新成員入手

今日同屋企人去完街之後，又去左一段時間無去既蝦店，點解會去係因為有師兄同我講佢都會去入蝦掃貨，所以我就去睇下，一去到問一問老闆，原來果位師兄已經同朋友隻掃左十幾隻，之後我打比另一蝦友，佢都話佢琴日去既時候有另外一d師兄都左掃貨，一掃又係十幾隻，所以我同屋企人都立即叫老闆幫手捉幾隻出黎，不過我地既目標係大肚婆，因為新年想沖起一下嘛，結果我地就買左三隻大肚婆返歸，而每個大肚婆都起碼有成二三十粒添，希望大細平安啦

係走之前，我問老闆個缸入面好似水甲由既係乜黎，佢都話唔知，不過日本仔果邊d缸都有，而我之前係旺角某蝦店亦都見過，我就覺得幾得意，之後老闆就對蝦無事，所以我就叫佢整隻過我玩下，我估得一隻應該無事掛，因為老闆話佢地繁殖得都幾快，而且佢係日本返黎d蝦就已經有，所以我估無乜問題，但為安全起見，我都只係放係個淘汰缸度就算

不過因為真係好細隻，所以影相都未必見到，唔知各師兄有無睇到呢？