遲來的聖誕餐

我見好多人都有貼蝦仔聖誕餐既相，咁我又貼下先，我自己就每日都會餵蝦，不過就日日食
唔同既糧，始終食死一隻糧都未必太好，而且重點係要蝦b都食到先有用

以下係我兩個缸既進食情況，有好多人話驚蝦b食唔到雪之蝦糧，我自己就無發現，我其中一個缸有超過50隻以上既蝦b同50隻以上既成蝦，我就隔日餵一粒，通常五個小時左右就會食左八成，有剩果d其實蝦b係會慢慢食

另一個3呎缸我就習慣放兩粒落去，不過大家小心，因為其實餵多餵少係要睇自己有幾多蝦同蝦仔既進食情況，如果d蝦已經呆呆地，你餵乜佢都未必有反應，所以大家要小心觀察唔好人地話餵幾多就跟

近排係討論區有一個人不停推帖叫人唔好買，可能係我得罪人掛？而且我曾經見到雪之蝦糧既翻板添(非白色包裝，仲要連字都一樣)，哈哈~~不過如果大家有睇開台灣繁殖家既相，都會見到好多繁殖家都餵，如果有問題咁點解幫繁殖家仲會用呢？？？

最後果張係餵食六個鐘之後既情況，大家可以望下。