HA蝦

一直以黎我都唔想溝蝦混養，但今日真係無計，因為公司個18吋喉糖蝦近日有兩隻死傷，之
後睇下公司d水既PH就知出左事，因為公司個PH竟然去到8，而缸內個PH就係7.2，就算養水缸既PH都唔係好好，所以為免再有死傷所以只好將喉糖帶返屋企。

因為屋企其中一位小領導唔肯讓返個缸比我，所以我都無計，唯有將喉糖放入之後界出黎果間板間房住，今次係我兩年內第一次混蝦養，其實之後我都考慮左好耐，眼見出面越黎越少博多蝦賣，而且博多始終帶少少黃(因為重點係紅腳)，所以今次把起決心將喉糖混拉麵(之前有位師兄都係咁而子代質素都好好)，我就學下佢啦！

雖然我仲有半間大房係純博多，但今次混蝦養之後將來板間房所出既蝦唔一定係博多蝦(幾個月之後既事)，而且質素暫時未知住，但唯一可以肯定唔會出金蝦除非........不過我相信唔會，所以係時候幫佢地改返個名先得，其實之前已經想好左，將來d蝦個名叫做.........HA蝦 (Happy Aquarium 蝦)，哈哈~~~~好冷既笑話，不過我決定咁叫佢地，希望將來大家會接受佢地啦

新加盟HA蝦既喉糖蝦

HA蝦房內既蝦

大房內既拉麵蝦(博多)