水晶蝦試新藥殺渦蟲 --- 戰蟲 (二十四小時後既更新)

琴晚十點左右(落藥二十四小時之後)再睇返個缸，無再發現死蝦，不過d白絲蟲同螺都無事，未見到有渦蟲。之後關燈再睇下有無。

到左十二點(相隔兩個鐘)，見到缸面有渦蟲出現，不過喱種渦蟲唔係紅色三角頭果種，係灰白色圓頭果種，之前係其他地方都見有人話隻戰蟲係對喱種灰白圓頭渦蟲無效，不過唔知喱種蟲對水晶蝦有無影響呢？而且隻藥話要48小時先見效，所以暫時未知結果。今晚再睇下個情況係點再話比大家知道。