水晶蝦試新藥殺渦蟲 --- 戰蟲

話說喱兩個星期我發現死左幾隻種母(係血腳果種)，之前一直好少死蝦，今次仲要係種母仲有隻係胞左既，鳴鳴......係上星期五夾屍既時候竟然發現無見好耐既渦蟲，心知不妙，所以係琴晚收工即刻搵師兄要左包新殺蟲藥試下(間廠既野之前都有用過，不過之前係用蝦糧，今次係藥)，琴晚返到屋企我想左好耐究竟用唔用好，最後都無用到。

但今朝起身又見到有隻母蝦被隻渦蝦夾腳(可能太多草走避不及)，即刻將隻母蝦隔離入死仔箱度，點知放工返黎見佢都係撐唔住，所以最後都決定落藥。

今次唔用茶仔粉係因為已經用晒又無時間去買，而且無磅好難計份量，所以就用喱隻戰蟲試下得唔得，計過水量之後要用四粒，但果位師兄話最好加多粒所以我就落左五粒落去，粒藥有膠囊d粉係白色，咁我就打開個膠囊將d粉就咁加入去，不過之後發現原來個膠囊係水溶既(因為有半粒膠囊跌左落缸)，開頭五分鐘見d蝦有少少飛，不過之後好多蝦都繼續食野，有d仲走去食個膠囊添，張相係落藥十分鍾後影既，而家過左大約半個鐘見d蝦都未有事，等兩日後個療程完左之後再update大家。