水晶蝦缸入新草

見上次個舊木唔係咁得，所以今日出魚街睇下，不過都係無發現，所以又去華師兄到睇下有無正野，不過上到去唔見佢，難得今日大人係陪我去買木，點都唔可以空手以回，所以上到華師兄度就睇下草，見平平地整左兩棵返屋企，不過已經唔記得叫乜名，哈哈~~

其中一棵一放入缸唔洗一分鍾已經成堆蝦湧上去，我見唔多對路所以要放兩粒蝦糧落去引開佢地，不過好奇怪係唔係成缸蝦湧去食糧，所以我始終無辦法整到個大蝦球出黎。

另一棵我會放係新開個18吋到，不過無co2唔知有無問題。