喱幾日見個師兄個景幾正，搞到我又想學下人玩景，係食飯之後去睇下有無木買，點知就撞到果位師兄，我地仲一齊睇木添，可惜我都係搵唔度0岩心水既木。
返到屋企見無野做手癢癢就執左魚缸舊木上黎，雖然個形唔係好好，不過就真係手癢癢，所以就清一清蝦缸左手邊d莫絲，點知一揚就搞到d蝦周圍走(第一張相就係剛剛清左手邊d莫絲走出黎既蝦。
清完之後我就開始張珊瑚莫絲整上舊木到，見仲有兩細塊聖誕莫絲(我估係，因為係大人之前買落)就整埋上舊木度。因為驚放舊木落去既時候整到d蝦，所以係右手邊落兩粒糧落去引開d蝦，過左五分鍾就出現左兩大堆蝦球，可惜左邊d蝦無乜點過去，所以我無理就一手插舊木落個缸度，大蝦應該就無壓到，不過細蝦就可以壓到都唔知但都無計。
整好晒之後再望望發覺...........個舊木唔好睇，搞到個景好怪添，不過已經整左所以費事再郁佢，先睇幾個星期睇下乜情況先再算
沒有留言:
張貼留言