都係對唔到焦

今日再清下d藻，影得好少少，不過始終對焦同色溫有d問題，可能係我有問題機會大d，哈哈

今日買左隻紅金母返屋企玩，成2cm大既母蝦都係百幾蚊真係比以前平左好多，最初買金剛果時成750蚊一隻，而家係台灣訂既話幾十蚊就有，幾個月前我訂藍金都係150一隻，所以除非你溝到d怪物出黎，否則金剛個價真係越黎越平。喱點亦都係我一直都鐘意純血紅白既原因，雖然淘汰既可能只係賣到幾十蚊一隻，但我又唔係靠賣蝦賺錢，所以無乜所謂。紅白又可以玩挑蝦而且純血每胎生出黎都唔同，樂趣自然就大好多啦

琴日買既公蝦已經係琴晚投入服務，不過未知有無成功到呢?