18吋雜蝦缸

四個月前係華X度買左對朱巨返屋企，因為買果時都係蝦b，所以我一開始就放係個3呎缸度養，一個月之後我又係網上同師兄收購左幾隻特剎奴，我又係放係個3呎缸度同d水晶蝦一齊養，但日子一日一日咁過，我就開始有d擔心我d水晶蝦，所以我就將我個18吋淘汰缸改造成雜蝦缸，缸裏面有淘汰博多，虎晶，一對朱巨，幾隻特剎奴。

過左幾個月之後既今日，特剎奴已經生過兩胎，蝦b都有成十幾二十隻， 而家有兩隻抱緊添。果對朱巨係三個星期前就失左身，而家就快生得，到時候應該又多二三十隻蝦b係個缸到。而d水晶蝦係個缸度竟然一d事都無，而且水晶b照樣大到，真係好神奇。

想問問各師兄一個18吋缸可以養到幾多隻敖蝦呀？？