日本水晶蝦安全到達~~

因為今日要返工，所以等蝦既責任就交左比屋企人。到左食lunch既時候打返屋企，屋企人竟然話我知d蝦剛剛入到屋，所以即刻叫屋企人係開盒前影相留念，亦叫屋企人睇下有無死傷......

過左半個鐘再打返屋企，家人話d蝦無死傷，立放下心頭大石，我亦即致電比其他蝦友，約埋佢地一齊放工去我屋企分蝦。我亦都先叫家人開袋放入細缸打氣等d蝦可以休息下，不過就唔需要對水(因為日本都比左好多水，所以放入細缸同外置缸完全無問題)

當所有人到齊之後，一班人都好期待分蝦，不過我地竟然用撲克牌抽生死既方法去分蝦，過程緊張又刺激，不過當我地一班人分到一半既時候，竟然出現左d小插曲，不過好快都解決左，其中兩個人已經急不及待飛返屋企對水，所以最後影唔齊一袋袋蝦既大合照.....
當其中一人返到屋企對水既時候，佢竟然打比我話我知有蝦已經脫殼，仲有蝦公去追添......

以下就係開箱既過程，希望可以滿足到各位啦。
日本人既包裝真係唔講得少，又認真又安全，真係佩服！三日行程一隻死傷都無，勁！！

P.S.我有check過tds，不過就發現tds大約22X,ph同gh就無再去check,不過我發現左一樣野，就係d水有一陣好大既青草味道，仲有有dd黃，奇怪既係袋裏面係無草既，咁究竟d青草味係邊度黎？？

d蝦相係剛剛入外置缸對水影，不過因為係外置缸關係，相機影得唔係好好，等對完水之後再影過比大家睇^^